USD 435.1 EUR 493.27
RUB 5.69 CNY 68.63
Jańalyqtar

ШҚО-да мас күйінде жаяу адамды қағып өлтіріп, қашып кеткен жүргізуші ұсталды

2020 жылғы 2 маусым 21:30
Бөлісіңіз:
ШҚО-да мас күйінде жаяу адамды қағып өлтіріп, қашып кеткен жүргізуші ұсталды

ӨСКЕМЕН. ҚазАқпарат – Шығыс Қазақстан облысы Көкпекті ауданында жаяу жүргіншіні қағып өлтіріп, сол жерден тайып тұрған КамАЗ жүргізушісі ұсталды, деп хабарлайды ҚазАқпарат тілшісі.

ШҚО полиция департаменті баспасөз қызметінің мәліметіне сүйенсек, оқиға наурыз айының соңында Преображенка ауылындағы «Көкпекті-Васильев өткелі» тасжолының 138-ші шақырымында болған.

34 жастағы КамАЗ автокөлігінің жүргізушісі мас күйінде рөлге отырып, жаяу жүргіншіні қағып кетеді.

Осының салдарынан 46 жастағы азамат бірден жан тапсырған. Ал жүргізуші болса қылмыстық жауапкершіліктен жалтару үшін сол жерден ізін суытады.

«Жедел-іздестіру шаралары барысында тәртіп сақшылары ер адамды қолға түсірді. Оған қатысты ҚР Қылмыстық кодексінің 346-бабы 5-бөлігіне сәйкес сотқа дейінгі тергеу амалдары жүргізілуде. Қазіргі уақытта бірқатар сараптама тағайындалған» деп хабарлады ведомство өкілдері.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT