ШҚО-да көпірден құлап кеткен ер адамның денесі табылды
2020 жылғы 17 мамыр 00:02

ШҚО-да көпірден құлап кеткен ер адамның денесі табылды

ӨСКЕМЕН. ҚазАқпарат – Шығыс Қазақстан облысы Риддер қаласында осыдан 2 күн бұрын көпірден өзенге құлаған адамның денесі табылды, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, 14 мамыр күні таңертең Риддер қаласындағы құтқарушыларға Шаравка өзенінің үстіндегі көпірден өтіп бара жатқан ер адамның суға құлап кеткені туралы хабар түскен. Оқиға орнына бірден №1 мамандандырылған жасақ пен полиция қызметкерлері аттанған.

«Құтқарушылар сол өзеннің маңайын түгел шарлап шыққанымен еш нәтиже болмады. Кейіннен оларға көмекке Өскемен қаласының жедел-құтқару жасағының қызметкерлері келген. Іздестіру жұмыстары барысында көпірден бірнеше шақырым жердегі ағаш үйінділердің арасынан 1972 жылғы азаматтың денесі табылды», - деп хабарлады ведомство өкілдері.


Jańalyqtar

MURAǴAT