+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

ШҚО-да карантин кезінде мұқтаж жандарға көмектескен волонтерлер марапатталды

2020 жылғы 30 маусым 17:47
Бөлісіңіз:
ШҚО-да карантин кезінде мұқтаж жандарға көмектескен волонтерлер марапатталды

ӨСКЕМЕН. ҚазАқпарат – Шығыс Қазақстан облысында COVID-19 пандемиясы кезінде мұқтаж жандарға әлеуметтік көмек көрсетуге белсенді қатысқан еріктілерге Елбасы Нұрсұлтан Назарбаевтың алғыс хаты табысталды, деп хабарлайды ҚазАқпарат тілшісі.

«Аймақ волонтерлері «Біз біргеміз« акциясына белсенді қатысуда. Елімізде төтенше жағдай жарияланған кезде дамыл көрмей мұқтаж жандарға қол ұшын созған еріктілеріміз мақтауға тұрарлық. Сіздер-нағыз патриотсыздар, еліміздің болашағы өздеріңіздің қолдарыңызда. Біздің өңірде белсенді жастардың көп болғанына қуаныштымын», - деді облыс әкімі Даниал Ахметов марапаттау салтанатында.

Айта кетейік, «Біз біргеміз» акциясы аясында «Jas Otan» жастар қанатының 520-дан астам еріктісі 25 мың жалғызбасты зейнеткерге, мүмкіндігі шектеулі жандарға, аз қамтылған және көпбалалы отбасыларға азық-түлік себеттерін жеткізуді ұйымдастырды. Сондай-ақ 123 Екінші дүниежүзілік соғыс ардагері мен 16 189 тыл еңбеккеріне азық-түлік жиынтығы берілген.

Бұдан бөлек, акция аясында құрылған «Birgemiz» республикалық қоғамдық қорынан Шығыс Қазақстан облысында 44 мыңнан астам мұқтаж отбасы 50 мың теңге көлемінде бірреттік көмек алды.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT