ШҚО-да қар құрсауында қалған балықшылар құтқарылды
2021 жылғы 7 наурыз 13:34

ШҚО-да қар құрсауында қалған балықшылар құтқарылды

ӨСКЕМЕН. ҚазАқпарат – Шығыс Қазақстан облысы Күршім ауданында қар құрсауында қалған балықшылар құтқарылды, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, дауылды ескертуге қарамастан балық аулауға шығатындар жоқ емес.

«Ауа райының қолайсыздығы, нақты айтқанда қатты жел мен қалың қарда жолға шығуға болмады. Мұны ескермеген күршімдіктер балық аулауға аттанған. Алайда көліктері қарға батып қалған олар құтқарушылардан көмек сұрады. Жедел құтқару жасағы мен Күршім ауданындағы №30 өрт сөндіру бөлімінің қызметкерлері оқиға орнына шұғыл жетті», - делінген ақпаратта.

Көп ұзамай көлік қар құрсауынан шығарылды. Балықшылар эвакуациялаудан бас тартты.

Осы ретте, ТЖД тұрғындарға алыс сапарға шығар алдында жолдардың жай-күйін «Дәрмен» мобильді қосымшасы арқылы тексеріп отыруға кеңес береді.


Jańalyqtar

MURAǴAT