ШҚО-да инженерлік әскерлердің 29 жылдығы атап өтілді

СЕМЕЙ. ҚазАқпарат –Семей қаласындағы Офицерлердің гарнизон үйінде инженерлік әскерлердің 29 жылдығы атап өтілді, деп хабарлайды ҚазАқпарат тілшісі.

Горнизонның баспасөз қызметінен мәлім еткендей, салтанатты шараны 54770 әскери бөлімінің өнерпаздары мен «Намыс» әскери-патриоттық клубының тәрбиеленушілері санитарлық-эпидемиологиялық нормаларды сақтай отырып ұйымдастырды.

Оған инженерлік әскерлердің ардагерлері, «Шығыс» өңірлік қолбасшылығының басшылығы, Семей гарнизоны әскери бөлімдерінің инженерлік қамтамасыз ету бөлімшелерінің жеке құрамы және әскери-патриоттық клубы тәрбиеленушілерінің ата-аналары қатысты.

«Соғыс уақытында инженерлік әскерлер жауынгерлерге жол ашып, көпір салып немесе жөндеп, өзен-суларға өткел дайындап, жау жүрген жерлерді миналардан тазартады. Кез келген әскерде инженерлік қамтамасыз ету бөлімшесі болуы қажет», - деді бөлім командирі, подполковник Аралбек Таңатов.

Шара барысында әскери борышын өтеу кезінде ерекше көзге түскен офицерлер мен сержанттар марапатталды.

Ұқсас жаңалықтар

АҚШ Еуропадағы әскер санын арттырады

БҰҰ бітімгершілік миссиясына қатысатын әскерилерге қандай басымдық беріледі

Қаңтар оқиғасы кезінде оқ тиген сарбазға орден табысталды