+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

ШҚО-да экологиялық мәселелерді шешудің жол картасы таныстырылды

2020 жылғы 24 қараша 14:46
Бөлісіңіз:
ШҚО-да экологиялық мәселелерді шешудің жол картасы таныстырылды

ӨСКЕМЕН. ҚазАқпарат – Шығыс Қазақстан облысында экологиялық мәселелерді кешенді шешудің жол картасы таныстырылды, деп хабарлайды ҚазАқпарат тілшісі.

Ұқсас жаңалықтар
Қостанай облысында браконьерлермен күресетін 8 мобильді топ құрылды Көктемде болуы ықтимал су тасқынына дайындық жоспарға сай жүріп жатыр - Қазсушар Көлсай көлдері, Алтын Емел, Шарын ұлттық парктерінде инвесторды анықтауға ашық байқау жарияланды

Жол картасына өңірді газдандыру, ескірген қоғамдық көліктерді ауыстыру, ғылыми-зерттеу жұмысын жүргізу, қалдықтарды сұрыптау және қайталама пайдалану жүйесін енгізу сынды шаралар енгізілген.

ШҚО бойынша экология департаментінің басшысы Данияр Әлиевтің айтуынша, жол картасы 2020-2024 жылдар аралығына бекітілді.

Осы жылдың 16 қазанында облыс әкімі Даниал Ахметов және Экология министрі Мағзұм Мырзағалиев Шығыс Қазақстанның экологиялық проблемаларын кешенді шешу жөніндегі жол картасын бекітті.

«Бағдарламаны дайындау барысында коммуналдық қалдықтарды бөлек жинау пунктерін кеңейту, қалдықтарды орналастырудың өңірлік картасын әзірлеу ұсынылды. Осыған орай біз техногенді қалдықтарды сақтау, тұрақты органикалық ластағыштарды және қалдықтарды орналастырудың картасын жасамақпыз « , - деді ол.

Бұдан бөлек, департамент мамандары атмосфералық ауа сапасын жақсарту бойынша ғылыми жұмыстарды қарады.

«Ауаның ластануына ықпал ететін көмірді пайдалануды қайта қарау ұсынылған. Бұл ретте бүкіл жеке секторды орталық жылуға қоспасақ мәселе шешілмейді. Картаға облыс университеттерінің бірінен Термококс технологиясын енгізудің ғылыми ізденістері кіріп отыр. Осы технологияны пайдалану кезінде болашақта ауада пиролиздік жану шығарындылары азаяды», - деді Данияр Әлиев.

Жол картасы 43 тармақтан тұрады. Алдағы уақытта карта мемлекеттік органдармен және экобелсенділермен бірлесіп пысықталады.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT