ШҚО-да екі күнде іздеуде жүрген 9 қылмыскер ұсталды
ШҚО Полиция департаменті баспасөз қызметінің мәліметіне сүйенсек, өңірде 27 сәуірден бастап «Құқық тәртібі» жедел алдын алу шарасы жүргізілуде. Нәтижесінде, мас күйде көлік тізгіндеген 50-ге жуық жүргізуші жауапқа тартылды.
«Сондай-ақ 43 қылмыс ашылып, іздеуде жүрген 9 қылмыскер ұсталды. Төрт мыңнан астам әкімшілік құқық бұзушылық анықталды. Оның ішінде 458-сі ұсақ бұзақылық, 676-ы қоғамдық орындарда ішімдік ішу және мас күйде болу, 643-і үйде тіркеусіз және жеке куәліксіз тұру фактілері», - деді департамент бастығы Сағат Мәдиев.
Шара барысында үш мыңнан астам есепте тұрған адам тұрғылықты жерлері бойынша тексерілген. Бұдан бөлек, 8 есірткі заттарын сақтау фактісі анықталып, 60 грамға жуық есірткі тәркіленді. Заңсыз айналымнан 14 бірлік қару алынды.