ШҚО-да екі ай бұрын жоғалып кеткен ер адам табылды
2021 жылғы 2 қараша 14:48

ШҚО-да екі ай бұрын жоғалып кеткен ер адам табылды

ӨСКЕМЕН. ҚазАқпарат – Шығыс Қазақстан облысында екі ай бұрын жоғалып кеткен ер адам табылды, деп хабарлайды ҚазАқпарат тілшісі.

ШҚО Полиция департаменті баспасөз қызметінің мәліметіне сүйенсек, із-түзсіз жоғалып кеткен 45 жастағы азамат Жарма ауданынан табылды.

«Қазір республика бойынша кең ауқымды «Учаске» жедел алдын алу шарасы жүргізілуде. Шара барысында полиция қызметкерлері шаруа қожалықтарының бірін тексеру кезінде 2 ай бойы іздеуде болған ер адамды тапты», - деп хабарлады ведомство өкілдері.

Анықталғандай, телефонын жоғалтып алған ол өзін туған-туыстарының іздестіріп жатқандығын да білмеген. Қазіргі уақытта ер адам туыстарының үйіне жеткізілді.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT