ШҚО-да бес күнде іздеуде жүрген 12 қылмыскер ұсталды
2021 жылғы 31 тамыз 22:15

ШҚО-да бес күнде іздеуде жүрген 12 қылмыскер ұсталды

ӨСКЕМЕН. ҚазАқпарат – Шығыс Қазақстан облысында полиция қызметкерлері бес күн ішінде іздеуде жүрген 12 қылмыскерді ұстады, деп хабарлайды ҚазАқпарат тілшісі.

ШҚО Полиция департаменті баспасөз қызметінің мәліметіне сүйенсек, 23-29 тамыз аралығында өңір аумағында «Құқық тәртібі» жедел алдын алу шарасы жүргізілген. Бес күн ішінде тәртіп сақшылары 150-ге жуық қылмысты ашты. Оның ішінде 50-і бұрын жасалған.

«Жедел уәкілдер іздеуде жүрген 12 қылмыскерді ұстады. Сондай-ақ 9 мыңнан астам әкімшілік құқық бұзушылық тіркелді. Атап айтқанда, ұсақ бұзақылық – 1349, қоғамдық орындарда ішімдік ішу және мас күйде болу – 1951. 8 мыңнан астам есепте тұрған адам тұрғылықты мекенжайы бойынша тексерілді», - деді облыстық ПД Жергілікті полиция қызметі басқармасының бастығы Талғат Нұриев.

Бұдан бөлек, заңсыз айналымнан 24 қару тәркіленген. Мас күйде көлік тізгіндеген 86 жүргізуші әкімшілік жауапқа тартылды.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT