Қолданушы баптаулары
Қолданушы баптаулары
+7 (701) 759 90 19 Лента
USD 386.80 EUR 429.27
RUB 5.78 CNY 54.89
Jańalyqtar

ШҚО-да басшылық қызметтегі шенеуніктер партаға отырды

2018 жылғы 30 мамыр 15:28 10001
Бөлісіңіз:
ШҚО-да басшылық қызметтегі шенеуніктер партаға отырды

ӨСКЕМЕН. ҚазАқпарат - ҚР Президенті жанындағы мемлекеттік басқару академиясының Шығыс Қазақстан облыстық филиалы аудан әкімдері мен басқарма басшыларына арнап  жобалау менеджменті бойынша треннинг өткізуде, деп хабарлайды ҚазАқпарат тілшісі.

Түске дейін треннингке облыс әкімінің орынбасарлары мен аудан әкімдері, басқарма басшылары мен аппарат жетекшілері қатысты. Ал түстен кейін басқарма басшыларының орынбасарлары мен мемлекеттік ұйым басшылары білім алуда.

«Елбасы нұсқаған 100 нақты қадамның тоғызыншы тармағын орындау мақсатында 15 өңірде академияның филиалдары ашылған болатын. Шығыстағы бөлімше бұған дейін ауылдық округ әкімдерін бюджетті тиімді игеру курстарынан өткізген. Ал бұл жолы облыстық деңгейдегі ең жоғарғы лауазымдағы басшыларды оқытпақпыз. Біздің жұмысымыз теориялық тұрғыда білім берумен шектелмейді. Көптеген ілкі жобаларды әдістемелік тұрғыдан сүйемелдейтін боламыз», - дейді филиал директоры Жанар Рысбекова.

Жалпы уақыты 15 сағатты қамтитын курсқа 50 шенеунік тартылған. Курс барысында олар өңірде қолға алынған 13 ірі жобаны жүзеге асыру бойынша әдістемелік нұсқаулықтар алады.

«Мысалы Шығыста Қытай стандарттары бойынша ауылшаруашылық өнімдерді сертификаттайтын зертхана ашылмақшы. Осы жобаны әдістемелік тұрғыда сүймелдеуді мойнымызға алдық алдық. Бүгінгі күннің мемлекеттік қызметкері білікті менеджер болуы қажет. Треннинг тізгіншісі Жанболат Даухарин британдық және еуропалық санаттар бойынша  білікті дәріскер саналады. Курс біткен соң барлық қатысушыларға сертификат беріледі. Алайда оның қызметтік өсуде ешқандай артықшылығы болмайды. Курс шенеуніктің қызмет барысындағы тиімділігін арттыруға ғана бағытталған» - дейді Жанар Рысбекова.

Еркін форматта, ойындар мен пікірталастар түрінде өткен треннигте әлеуметтік жоба жетекшілері мен бақылаушы комиссия өкілдері шақыртылыпты.

«Облыста қолға алынған 13 әлеуметтік жобаның бірі  - денсаулық сақтау саласын жетілдіруге арналған. Мен сол жобаны бақылау комиссиясының мүшемін. Бүгінгі курс комиссия құрамында атқаратын жұмыстарды тиімді ұйымдастыруға мүмкіндік береді деп ойлаймын», - дейді облыстық «Жас Отан» жастар қанатының төрайымы Маржан Бақытқызы.

 

Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT