ШҚО-да балалар денсаулығын профилактикалық тексеруге 4 млрд теңге бөлінді
«Әлеуметтік медициналық сақтандыру қоры» ШҚО филиалы баспасөз қызметінің мәліметіне сүйенсек, «Сүйікті бала» арнайы жобасының аясында балаларға көрсетілетін медициналық көмек шығындары өтелуде.
«2022 жылды ҚР Президенті Қасым-Жомарт Тоқаев Балалар жылы деп жариялады. Қазір медицина саласында аурудың алдын алу аса маңызды. Педиатриялық көмек көрсетуді ұйымдастыру стандарттарына сәйкес, балалардың аурушаңдығының, мүгедектігінің және өлім-жітімінің алдын алу, төмендету бойынша кешенді шаралар көзделген. Биыл МӘМС жүйесінде скринингілік және профилактикалық тексерулерді жүргізуге 4 млрд теңгеге жуық қаражат бөлінді», - делінген ақпаратта.
Оның ішінде аудиологиялық скринингіге – 1 млрд 711 млн теңге, 5 жасқа дейінгі балаларды профилактикалық тексеруге – 621 млн теңге, мектеп медицинасы шеңберінде профилактикалық тексеруге – 1 млрд 300 млн теңгеге жуық қаржы қарастырылған.