Валюта бағамдары:
    usd/kzt 477.98 eur/kzt 488.93

    rub/kzt 7.93 cny/kzt 70.82
Ауа райы:
Нұр-Сұлтан: 1 °С
Алматы: 15 °С

ШҚО-да азық-түлік бағасын өсірген кәсіпкерлер жазаланбақ

2022 жылғы 24 мамыр 15:17

ӨСКЕМЕН. ҚазАқпарат – Шығыс Қазақстан облысының әкімі Даниал Ахметов әлеуметтік маңызы бар тауарлардың бағасын өсірген кәсіпкерлер жазаланатынын айтты, деп хабарлайды ҚазАқпарат тілшісі.

Өңірде азық-түлік бағасының қымбаттамауы үшін бірқатар шаралар қолға алынған. Тұрақтандыру қоры павильондарына тауарлар көптеп жеткізіліп, кәсіпкерлерге түсіндіру жұмыстары жүргізілуде. Бұл жайлы облыс әкімдігінде өткен жиналыс барысында мәлім болды.

«Бүгінгі таңда елдің оңтүстік облыстарынан қырыққабат жеткізуге келісім-шарттар жасалды. 200 тоннаның 75-і «Ертіс» ӘКК» АҚ-ның сауда павильондарына жеткізілген. Ал қант қоры 10 күн сайын толықтырылып отырады. Ұн жеткізу бойынша да келісімдер бар. Алдағы уақытта үй маңындағы дүкендерді тексеруді жалғастыру қажет», - деді аймақ басшысы Даниал Ахметов.

Өз сөзінде ол әлеуметтік маңызы бар тауарлардың бағасын өсірген, сөрелердегі азық-түліктің бағасын жазып көрсетпеген кәсіпкерлер жазаға тартылатындығын жеткізді.

Естеріңізге сала кетсек, бұған дейін Семейде осы жылы 62 көшенің жолы жөнделетіндігін хабарлаған едік.


Автор:

Талғатжан Мұхаметбекұлы

Новости по теме
Ұқсас жаңалықтар