ШҚО-да аяз салдарынан бірінші ауысымдағы 1-4 сыныптар мектепке бармайды
2022 жылғы 17 ақпан 07:41

ШҚО-да аяз салдарынан бірінші ауысымдағы 1-4 сыныптар мектепке бармайды

ӨСКЕМЕН. ҚазАқпарат – Шығыс Қазақстан облысындағы бірқатар ауданда аяз салдарынан бірінші ауысымдағы 1-4 сыныптар онлайн оқиды, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, 17 ақпанда ауа райының нашарлауына, нақты айтқанда аязға байланысты кейбір аудандардағы бірінші ауысымдағы оқушылар қашықтан оқитын болды.

«Алтай, Бесқарағай, Күршім және Тарбағатай аудандарында 1-4 сыныптар мектепке бармайды. Сондай-ақ Көкпекті ауданында ауа температурасының 32 градусқа төмендеуіне орай 1-11 сынып оқушылары онлайн оқиды», - деп хабарлады ведомство өкілдері.

Естеріңізге сала кетсек, осыған дейін Шығыс Қазақстандағы «Алтай-Малеевск-Путинцево» жолында екі рет көшкін жүргені хабарланған болатын.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT