ШҚО-да 8 дене шынықтыру-сауықтыру кешені салынып жатыр
ШҚО Ақпарат орталығының мәліметіне сүйенсек, бүгінде Өскемен қаласының жұмыспен қамту және әлеуметтік бағдарламалар бөлімі орналасатын жаңа ғимараттағы жөндеу жұмысы аяқталуға жақын. Ескі ғимарат келушілер үшін тар және ыңғайсыз еді. Жаңа ғимараттың бірінші қабатында дүйім жұртты қабылдауға арналған кең залдар болады.
«Ерекше қажеттіліктері бар жандарға, аналар мен балаларға арнайы бөлмелер қарастырылған. Менің тапсырмам бойынша халықпен жұмыс істеу үшін акт залы берілді. Ол екінші қабатқа орналастырылады. Ең алдымен орталықтың басты міндеті - келушілерге жедел қызмет көрсету», - деді облыс әкімі Даниал Ахметов.
Сонымен қатар Стаханов көшесіндегі спорт орталығының жөндеу жұмыстары аяқталып келеді. Жалпы өңірде 8 дене шынықтыру-сауықтыру кешенінің құрылысы жүргізіліп жатыр.