ФУТБОЛДАН ӘЛЕМ ЧЕМПИОНАТЫ-2022

ШҚО-да 45 гектарға жайылған дала өрті ауыздықталды

2022 жылғы 5 қыркүйек, 08:46
ШҚО-да 45 гектарға жайылған дала өрті ауыздықталды

ӨСКЕМЕН. ҚазАқпарат – Шығыс Қазақстан облысы Зайсан ауданында 45 гектарға жайылған дала өрті ауыздықталды, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, 3 қыркүйекте Зайсан ауданы Айнабұлақ ауылдық округі аумағында өрт шыққаны жайлы хабар түсті. Тілсіз жау ашық алаңда шөп пен бұтаны шарпыды.

«Қызыл жалынды өшіруге департаменттің жеке құрамынан 16 адам, 4 техника, орманшылардан 30 адам, 6 техника және жергілікті атқарушы органнан 30 адам, 6 техника жұмылдырылған. Күрделі рельеф және қатты жел өртті сөндіруді қиындата түсті», - делінген ақпаратта.

Өртпен күреске тартылғандардың үйлесімді іс-қимылдарының арқасында от елді мекендерге таралмады. Жалпы ауданы 45 гектарға жайылған тілсіз жау 4 қыркүйекте сағат 17.25-те толықтай ауыздықталды.


Серіктестер жаңалықтары

Jańalyqtar

https://www.inform.kz/kz/shko-da-45-gektarga-zhayylgan-dala-orti-auyzdyktaldy_a3974648
https://www.inform.kz/kz/shko-da-45-gektarga-zhayylgan-dala-orti-auyzdyktaldy_a3974648