+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

ШҚО тұрғындарының ҚР Президентіне жазған хатындағы деректер жалған - әкімдік

2020 жылғы 10 тамыз 23:10
Бөлісіңіз:
ШҚО тұрғындарының ҚР Президентіне жазған хатындағы деректер жалған - әкімдік

НҰР-СҰЛТАН. ҚазАқпарат - Кешелі бері әлеуметтік желіде таралған Шығыс Қазақстан облысының Тарбағатай ауданы, Көкжыра ауылы тұрғындарының Президентке жолдаған Ашық хатында жазылған деректер жалған болып шықты, деп хабарлайды ҚазАқпарат.

Ұқсас жаңалықтар
Шығыс Қазақстанда тұмауға қарсы 90 мыңға жуық вакцина сатып алынды Теннис: Рыбакина мен Зарина Дияс Франциядағы Страсбург турнирінде ойнайды Қазақстандық Артем Резников танымал шешен спортшысын жеңді

Ал аталған хаттың соңында аты-жөндері жазылып жүрген ауыл тұрғындары болса ешқандай қағазға қол қоймағанын, бұл туралы мүлдем бейхабар екенін айтып таңғалып отыр.

Естеріңізде болса, ШҚО, Тарбағатай ауданы, Көкжыра ауылының бір топ тұрғыны әлеуметтік желіде Мемлекет басшысы Қасым-Жомарт Тоқаевқа «Әруақтарды күңірентпейік» деген тақырыпта ашық хат жазған. Ашық хатта белсенділер осы ауданның «Елеке сазы» деп аталатын жерінде 2017 жылдан бері жүргізіліп келе жатқан археологиялық жұмыстардың салдарынан, яғни қабірдегі әруақтарды мазалағандықтан жергілікті жерде өлім-жітім көбейіп, келеңсіз жағдайлар жиілеп кеткенін алға тартқан. Алайда бұл ақпарат шындыққа жанаспайды. Осы жағдайға байланысты ғалымдар, тарихшылар, археоологтар және дін өкілдері өздерінің пікірін білдіріп, желіде таралған желсөзге тоқтау айтты.


«Ауылдағы келеңсіз әлеуметтік құбылыстардың негізгі себебін археологиялық қазба жұмыстарынан іздеуді – белгілі бір топтың өз арам ойын жүзеге асырудың құралы деп қарау керек. Қазба жұмыстары жүргізілген нысандарда ешқашан адамның, малдың сүйектері шашылмайды, керісінше, талдап, жиналып алынады. Себебі, тарихи зерттеулердегі аса құнды дереккөз болып табылатын материалдарды арнайы мамандар – антропологтар, палеогенетиктер және палеозоологтар зерттейді. Мәскеуден келген адамдар, осы қатардағы мамандар. Нысандардың барлығы қайтадан жабылады, аса құнды ескерткіштер аспан астындағы музейлерге айналады, олардың жобалары жасалуда», - дейді белгілі археолог Зейнеолла Самашев.

Қорымдарды қазып, археологиялық зерттеу жұмыстарын жүргізу шариғатқа қайшы әрекет емес екенін имамдар да түсіндіріп берді.

«Жалпы ежелгі тарихи орындарға археологиялық жұмыстар бұрыннан жүргізіліп келеді. Оның өзіндік жөн-жосығы, тәртібі болады. Дін бұған қарсы емес. Ал енді қабірді қазып, мәйітті қорлайтын болса әңгіме бөлек, ондайға жол берілмейді, – дейді Қазақстан мұсылмандары діни басқармасының Семей өңірі бойынша өкіл имамы Асқар Мұқанов.

Бұл мәселеге байланысты аудан әкімі мен жауапты сала өкілдері ауыл тұрғындарымен сөйлесіп, жағдайды түсіндірді. Көкейдегі сауалдарына толық жауап алған жұртшылық өздерінің сыртынан қол қойған адамдардың әрекетін қатаң сынға алып, ыңғайсыздық үшін ғафу өтінді. Соған қарғанда, бұл әрекеттің артында халықтың атын пайдаланып, Елеке сазындағы қазба жұмыстарына кедергі келтіруді көздеген арам пиғылды адамдар тұрғаны айдан анық. Сондықтан аудан басшылығы тұрғындарға ел ішінде тарап кеткен жалған қауесетке еріп, арандап қалмау қажеттігін ескертті.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT