Шипажайға жалған жолдама ұсынып, 12 шымкенттікті алдаған алаяқ ұсталды

2022 жылғы 9 желтоқсан, 15:31
Шипажайға жалған жолдама ұсынып, 12 шымкенттікті алдаған алаяқ ұсталды

АСТАНА. ҚазАқпарат – Шипажайға жалған жолдама ұсынып, 12 шымкенттікті алдаған алаяқ Алматыдан ұсталды, деп хабарлайды ҚазАқпарат Түркістан облысы ПД баспасөз қызметіне сілтеме жасап.

Сайрам аудандық полиция басқармасына Шымкент қаласының тұрғыны арызданады. Әйелдің айтуынша, ол жалған жарнамаға алданып қалған. Ақсукент ауылындағы шипажайлардың біріне 10 күнге демалысқа шақырған хабарландыруға сеніп, 100 мың теңге аударған. Аталған жайт ҚР ҚК-нің 190-бабы (Алаяқтық) бойынша тіркеуге алынды.

Түркістан облысы ПД Криминалдық полиция басқармасы мен Сайрам аудандық тәртіп сақшыларынан жедел тергеу тобы құрылып, қажетті іздестіру шаралары жүзеге асырылды. Нәтижесінде күдіктінің жеке басы анықталды. Жедел уәкілдер жасырынып жүрген күдіктіні Алматы қаласындағы жалдамалы пәтерлердің бірінен ұстап, полицияға жеткізді. Ол Төлеби ауданының тұрғыны, бұрын алаяқтық дерегімен сотты болған жас қыз болып шықты.

Белгілі болғанындай, күдікті жалған жарнама арқылы Шымкенттің 12 тұрғынын алдаған. Қазіргі таңда тергеу амалдары жүріп жатыр.


Ұқсас жаңалықтар
Серіктестер жаңалықтары

Jańalyqtar