USD 435.1 EUR 493.27
RUB 5.69 CNY 68.63
Jańalyqtar

Шикізаттық емес секторлар инвестициялық белсенділіктің локомотивіне айналды - министрлік

2021 жылғы 29 қараша 14:06
Бөлісіңіз:
Шикізаттық емес секторлар инвестициялық белсенділіктің локомотивіне айналды - министрлік

НҰР-СҰЛТАН. ҚазАқпарат – ҚР Ұлттық экономика вице-министрі Әлішер Әбдіқадыров негізгі капиталға салынған инвестициялар көлемі жайында түсінік берді, деп хабарлайды ҚазАқпарат тілшісі.

Ұқсас жаңалықтар
ЕАЭО елдерімен сыртқы сауда көлемі артты Ақтөбеде 1,5 трлн теңге инвестиция тартылмақ Әлихан Смайылов: Алдымызда тұрған ең маңызды мәселенің бірі – макроэкономикалық тұрақтылық

«Коронавирус инфекциясы пандемиясына байланысты айтарлықтай құлдыраудан кейін негізгі капиталға инвестициялар динамикасында қалпына келтіру үрдісі байқалды. Мәселен, биылдың 10 айында негізгі капиталға салынған инвестициялар көлемі өткен жылдың сәйкес кезеңімен салыстырғанда 2,5%-ға ұлғайып, шамамен 10 триллион теңгені құрады», - деді Ә. Әбдіқадыров Орталық коммуникациялар қызметінде.

Оның айтуынша, экономиканың шикізаттық емес секторлары инвестициялық белсенділік өсуінің негізгі локомотивіне айналды.

«Мәселен, өткен жылдың ұқсас кезеңімен салыстырғанда инвестициялар өңдеу өнеркәсібінде 1,8 есе (661,5 миллиард теңгеден 1230,4 миллиард теңгеге дейін), құрылыста 2,2 есе (57 миллиард теңгеден 127,6 миллиард теңгеге дейін), сондай-ақ ауыл шаруашылығында 1,4 есе (412,5 миллиард теңгеден 603,4 миллиард теңгеге дейін) өсті. Өңірлер бөлінісінде негізгі капиталға инвестициялар бойынша жалпы оң динамика байқалып отыр», - деді вице-министр.

Оның сөзіне қарағанда, ең үздік көрсеткіштер Шымкент және Алматы қалаларында, сондай-ақ Ақтөбе және Павлодар облыстарында байқалды. Көлемдердің айтарлықтай төмендеуі Атырау және Батыс Қазақстан облыстарында тіркелді. Аталған өңірлерде инвестициялардың төмендеу себебі карантиндік шектеулерге байланысты ірі мұнай-газ жобаларының баяулауы болды.

Бұдан бұрын хабарланғандай, Әлішер Әбдіқадыров пандемияның шектеу іс-шаралары жағдайында жаһандық тікелей шетел инвестициялары ағындары 35%-ға төмендегенін айтты. https://www.inform.kz/kz/alemde-investiciya-agyny-kay-dengeyde-tomendedi_a3868209

Биыл Қазақстанға 20 млрд АҚШ доллары көлемінде инвестиция тартылмақ. https://www.inform.kz/kz/biyl-kazakstanga-20-mlrd-aksh-dollary-koleminde-investiciya-tartylmak_a3868220


Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT