Шиеліде өнерді ұлықтаған мәдени шара өтті

ШИЕЛІ. ҚазАқпарат - Қызылорда облысы Шиелі ауданында «Этноауыл-2019» мәдени ұлттық шарасының аясында «Өткенін ұлықтаған, дәстүрін ұмытпаған - Шиелі» тақырыбында мәдени шара өткізілді, деп хабарлайды ҚазАқпарат тілшісі.

Ұқсас жаңалықтар

СҚО меценаттары бір ғана ауданды көркейтуге 163,5 млн теңге бағыттады

Ақтөбеде Абайға және Шәмші Қалдаяқовқа ескерткіш орнатылады «Рухани жаңғыру» бағдарламасының өңірлерде іске асырылуы онлайн-трансляцияда талқыланды «Рухани жаңғыру» бағдарламасының амбассадорлары анықталды

Аталмыш игі шара Тұңғыш Президент - Елбасы Нұрсұлтан Назарбаевтың «Болашаққа бағдар: рухани жаңғыру» бағдарламасы аясында жүзеге асты. Онда ұлттық өнерді дәріптеген көптеген мәдени шаралар ұйымдастырылды.

Аудан орталығы - Шиелі кентіндегі Ы.Жақаев атындағы саябақта өткен мәдени шарада киіз үй тігілді. Сол аумақта ұлттық ойындар ойналды. Жиналған ұртшылыққа қазақтың ұлттық тағам түрлері жастарға үйрету барысында дайындалды. Ұлттық тағамдар дастарханға қойылып, олардан барша жұрт дәм татты.

Аудан жастары алтыбақан ойнап, әуелетіп ән салды. Жергілікті бишілер мың бұрала би билеп, күйшілер күмбірлете күй төкті. Аудан тұрғындары қазақтың салт-дәстүрін дәріптейтін қызықты қойылымның куәсі болды. Ұлттық өнеріміз ұлықталып, қазақ халқының бейнесін аша түсетін қолөнер бұйымдары мен рухани байытатын кітаптар көрмеге қойылды.

Бұдан бұрын Қызылордада «Ұлы дала елі» тарихи-танымдық экспедициясы өткізілді