Шетелге шыққан әрбір оныншы қырғызстандық әйел құлдыққа түседі

АСТАНА. ҚазАқпарат - Ел аумағынан тыс жерге шығатын әрбір 10 қырғызстандық әйелдің кем дегенде біреуі адам саудасының құрбанына айналып, құлдыққа түседі, деп хабарлады сейсенбі күні КирТАГ агенттігіне еңбек, көші-қон және жастар министрлігінен.

Еңбек министрлігінің мәліметтерінше, 2014 жылдың ішінде адам саудасының 19 фактісі, соның ішінде сексуальдық пайдаланудың төрт фактісі, еңбекке пайдаланудың жеті фактісі, адам саудасының сегіз фактісі тіркелген.

Жоғарғы сот жанындағы сот департаментінің деректеріне қарағанда, 2014 жылдың ішінде соттар адам саудасы фактілері бойынша 20 қылмыстық іс қараған.

«15 адамға қатысты үкім шығарылды, олардың жетеуі - ер адам, сегізі - әйелдер. Бес тұлғаға қатысты үш қылмыстық іс тоқтатылды», - деп хабарлады министрліктен.