Қолданушы баптаулары
Қолданушы баптаулары
+7 (701) 759 90 19 Лента
USD 374.20 EUR 420.34
RUB 5.52 CNY 53.78
Jańalyqtar

Шетелдегі қандастарымыз атажұртта доп тебеді

2018 жылғы 12 шілде 13:31 1007
Бөлісіңіз:
Шетелдегі қандастарымыз атажұртта доп тебеді

АСТАНА. ҚазАқпарат -  «Ер Жәнібек»  халықаралық қоғамдық қорының ұйымдастыруымен 13-15 шілде аралығында Петропавл қаласында шағын футболдан дәстүрлі «ER JANIBEK CUP» халықаралық турнирі өтеді, деп хабарлайды ҚазАқпарат тілшісі. 

Ұқсас жаңалықтар
Футболшы Нұрбол Жұмасқалиев спорттық мансабын аяқтады «Астана» Еуропадағы үздік 50 клубтың қатарына енді

Осымен төртінші мәрте ұйымдастырылғалы отырған дода атақты әнші, композитор, біртуар өнер дүлдүлі Сегіз сері Бахрамұлының 200 жылдық мерейтойына арналып отыр.

Аталған турнирдің басты мақсаты - Бахрамұлының еңбегі мен өнегелі өмірін жастарға үлгі ете отырып, шетелде тұратын қазақ жастарына тәуелсіз Қазақ елінің тыныс-тіршілігін таныстыру, спорттық ойын арқылы Атажұртымен мәдени-рухани байланысын нығайту.

«Ер Жәнібек» халықаралық қоғамдық қорының «ER JANIBEK CUP» турниріне Франция, Австрия, Дания, Түркия, Иран, Қытай, Ресей, Монғолия, Өзбекстен, Қырғызстанда тұратын қазақ жастарынан құралған командалар және Қазақстанның әр облысынан жиналған қазақ футболшылары қатысады.

Еске салсақ,  «Ер Жәнібек» халықаралық қоғамдық қоры 2006 жылы Қазақстанда құрылған. Халықаралық қор шетелдерде және елімізде мәдени-рухани, қазақ тарихындағы елеулі тұлғаларды дәріптеуге арналған шараларды ұйымдастырып, айтыс өнері мен Алаш арыстарына арналған жобаларды қолдап, қаржыландырумен айналысады.

 

 

Біздің каналымызға жазылыңыз:

Бөлісіңіз:

Автор:

Күнсұлтан Отарбай

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
MURAǴAT