Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Шетелде жүргенде қандай тамақтардан тартыну қажет

2019 жылғы 9 шілде 13:25 942
Бөлісіңіз:
Шетелде жүргенде қандай тамақтардан тартыну қажет

НҰР-СҰЛТАН. ҚазАқпарат - ҚР Тауарлар мен көрсетілетін қызметтердің сапасы мен  қауіпсіздігін бақылау комитеті төрағасының орынбасары Жандарбек Бекшин шетелде саяхат кезінде қандай тамақтардан сақтану керектігін айтты, деп хабарлайды ҚазАқпарат тілшісі.

Оның айтуынша, қазақстандықтардың теңіз тағамдарына деген иммунитеті әлсіз. Сондықтан, түрлі экзотикалық балықтар мен теңіз тағамдарын тұтынғанда абай болуы қажет.

«Шетелге саяхат жоспарлаған кезде дүниежүзілік денсаулық сақтау ұйымының, ҚР Денсаулық сақтау министрлігінің тауарлар мен көрсетілетін қызметтердің сапасы мен  қауіпсіздігін бақылау комитетінің сайттарына кіріп, қай елдерде қандай аурулар тарап жатқанын біліп алған абзал. Ол туралы аталмыш сайттарда толыққанда ақпарат бар.  Шетелде түрлі инфекция жұқтырмас үшін әуелі жеген тамақ пен ауызсуға баса мән берген жөн.  Көшеде, базарларда кездейсоқ саудагерлерден тамақ сатып алмау қажет. Ең дұрысы танымал дәмханалардан, қонақүй қызметкерлері ұсынған жерлерден тамақтанған абзал.  Экзотикалық тағамдар алудан сақтанған жөн. Әсіресе балық және теңіз тағамдарын абайлап тұтыну қажет. Көптеген теңіз өнімдеріне біздің ағзамызда иммунитет болмауы мүмкін», - деді бас санитар.

Сондай-ақ ол, ауызсу сатып алар кезде оның талап бойынша сақталғанына, қандай құтыға құйылғанына мән беру керектігін айтты.

Еске салсақ, Жандарбек Бекшин әлемдегі қауіпті әрі жұқпалы ауруларға бейім елдерді атаған болатын.

 


 

Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT