Қолданушы баптаулары
Қолданушы баптаулары
+7 (701) 759 90 19 Лента
USD 384.87 EUR 432.52
RUB 6.11 CNY 55.95
Jańalyqtar

Шекарашы суға батқан жүкті әйел мен оның 5 жасар баласын құтқарып қалды

2019 жылғы 31 мамыр 15:53 868
Бөлісіңіз:
Шекарашы суға батқан жүкті әйел мен оның 5 жасар баласын құтқарып қалды

НҰР-СҰЛТАН. ҚазАқпарат - Шекарашы суға батып бара жатқан жүкті әйел мен оның 5 жасар баласын құтқарып қалды, деп хабарлайды ҚазАқпарат Ұлттық қауіпсіздік комитетінің шекара қызметіне сілтеме жасап.

Петропавл шекара жасағына қарасты «Бидайық» өткізу бөлімшесінің әскери қызметшісі Сергей Гайдай демалу үшін Ш. Уәлиханов ауданының Бидайық ауылындағы көл жағасына барады.

«Шекарашы автокөлігіндегі төсенішті алып шығып, қағып-сілкіп жатқанда көпір жақтан баланың ащы айғайын құлағы шалады. Жалт қараған ол көпірде ерсілі-қарсылы жүгіріп жүрген екі кішкентай қызды көреді. Ал көпір астында әйел адам судан бір батып, бір шығып жанталасып жүр екен. Сергей ойланбастан суға қойып кетті. Жүзіп жанына барғанда әйел кішкентай баласының суға батып кеткенін айтады. Сергей су астына сүңгіп, көлдің табанын қолымен сипалап жүріп баланы табады да, киімінен тартып, су бетіне алып шығады. Ана мен баланы жағаға жеткізген Сергей ес-түссіз жатқан 5 жасар Нұрәділге алғашқы медициналық көмек көрсетті. Содан кейін ғана бала есін жиды» делінген хабарламада.

Кейін белгілі болғандай, ол екі адамның емес, үш адамның өмірін құтқарған. Себебі, құтқарылған әйел Махаббат Жетпісованың аяғы ауыр болып шықты. Сергей ана мен баланы автокөлігіне отырғызып, медициналық бекетке алып барған. 

 

 

 

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT