+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Шекарадан заңсыз өткендер Зайсан қаласына жеткізіледі

2019 жылғы 15 қазан 13:51
Бөлісіңіз:
Шекарадан заңсыз өткендер Зайсан қаласына жеткізіледі

НҰР-СҰЛТАН. ҚазАқпарат - 10 қазанда Қытай азаматтары Мұрагер Әлімұлы мен Қастер Мұсақанға қатысты ҚР Қылмыстық кодекстің 392-бабы 1-бөлігінде қарастырылған «Қазақстан Республикасының Мемлекеттік шекарасын қасақана заңсыз өту» бойынша сотқа дейінгі тексеру басталды, деп хабарлайды ҚазАқпарат ҚР ҰҚК ШҚ баспасөз қызметіне сілтеме жасап.

Ұқсас жаңалықтар
Ақтөбе мен Орынбор шекарасындағы ұзын-сонар кезек қашан жойылады Қазақстан мен Ресей шекарасындағы көлік кептелісіне не себеп Сенаторлар шекаралық өткізу бекетіндегі кемшіліктерді анықтап қайтты

«Олар 14 қазанда Алматы қаласындағы Шекара қызметінің «Шығыс» өңірлік басқармасына шекарадан өту жағдайын анықтау үшін шақыртылған болатын. Процестік тәртіппен ұсталған жоқ, қамау шаралары да қолданылмаған. М. Әлімұлы мен Қ. Мұсақан «Шығыс» ӨБ ғимаратында өз еріктерімен қалды және оларға тамақ, жататын орын берілді», делінген хабарламада.

Ведмоствоның мәліметінше, олар 1 қазанда ҚХР-дан ҚР-ға шекарадан заңсыз өткендері туралы алдын ала айтқан.

«Осыған байланысты, шекарадан өту жағдайын анықтау, сондай-ақ болжамды құқық бұзған жерде процестік және басқа да тексеру іс-әрекеттерін өткізу үшін 15 қазанда оларды Шығыс Қазақстан облысының Зайсан қаласына жеткізу жоспарланып отыр. Сонымен қатар, Қ. Мұсақан 2006 жылғы 21 маусымда мал ұрлығы үшін қылмыстық жауапкершіліктен жалтару мақсатында Қазақстан-Қытай шекарасын бұзғандығы белгілі болды. Ол кезде тексеру жұмыстарынан кейін ҚХР-ға қайтарылған болатын», делінген хабарламада.

Шекара қызметі істің қолданыстағы заңнамаға сәйкес жүргізіліп жатқанын мәлімдейді.

«ҰҚК Шекара қызметі ҚХР азаматтары М. Әлімұлы мен Қ. Мұсақанға қатысты сотқа дейінгі тексеру, олардың құқықтарының толық сақталуымен, сондай-ақ халықаралық міндеттемелерге және Қазақстан Республикасының қолданыстағы заңнамаларына сәйкес жүргізіліп жатқанын хабарлайды», делінген хабарламада.

Біздің каналымызға жазылыңыз:

Басты сөздер: Қытай, Қандастар, ҚР ҰҚК,
Бөлісіңіз:

Автор:

Қанат Мәметқазыұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT