+7 (701) 759 90 19 Лента
USD 385.16 EUR 425.95
RUB 6.01 CNY 54.51
Jańalyqtar

Шайбалы хоккей: «Барыс» екінші ойында да жеңіске жетті

2019 жылғы 8 тамыз 22:09
Бөлісіңіз:
Шайбалы хоккей: «Барыс» екінші ойында да жеңіске жетті

НҰР-СҰЛТАН. ҚазАқпарат - Бүгін елордада шайбалы хоккейден Қазақстан Президенті Кубогының екінші ойын күні мәресіне жетті. Елордалық «Барыс» Ресейдің «Нефтехимик» командасымен кездесті, деп хабарлайды ҚазАқпарат тілшісі.

Ұқсас жаңалықтар
ҚХЛ: «Барыс» командасы «Куньлунь Ред Стардан» жеңіліп қалды ҚХЛ: «Барыс» алғашқы жеңісіне қол жеткізді ҚХЛ: «Барыс» алғашқы кездесуінде жеңіліп қалды

Бұл кездесуде ресейлік хоккейшілер алғашқы болып есеп ашты. Ойынның небәрі 23-секундында Зак Митчел өз командасын алға шығарды. Ал 9-минутта «Нефтехимик» сапынан Павел Порядин есепті үстемелей түсті.

Содан кейін ғана «Барыс» жігіттері ес жиды. Нәтижесінде 13-минутта елордалық хоккейші Никита Михайлис есеп айырмасын қысқартты. Екінші кезеңнің 24-минутта «Нефтехимик» хоккейшісі Александр Авцин мергендік танытты. Осылайша ресейліктер кездесу барысында 3:1 есебімен алға шықты.

«Барыс» хоккейшілері бұдан кейін қатарынан үш шайба соқты. Алдымен 35-минутта Ярослав Евдокимов, одан кейін Дастин Бойд 38-минутта қарсыластар қақпасын дәл көздеді.

Үшінші кезеңнің 47-минутында Дастин Бойд бүгінгі кездесуде алғаш рет өз командасын алға шығарды. Ал кездесудің бітуіне небәрі 14 секунд қалғанда «Барыс» қатарынан Никита Клещенко бос қақпаға шайба соғып кетті.

Естеріңізге сала кетелік, кеше «Барыс» Ресейдің «Ак барс» командасын 6:1 есебімен жеңген болатын.

Ертең «Ак Барс» және «Нефтехимик», «Салават Юлаев» пен «Автомоибилист» командалары кездеседі. Ал «Барыс» 10 тамызда «Автомобилист» командасымен мұз айдынына шығады.


Фото: www.hcbarys.kz


Біздің каналымызға жазылыңыз:

Басты сөздер: Спорт, Нұр-Сұлтан,
Бөлісіңіз:

Аударма:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT