+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Шардаралық диқандар көктемгі егіс жұмыстарына кірісіп кетті

2020 жылғы 27 ақпан 16:41
Бөлісіңіз:
Шардаралық диқандар көктемгі егіс жұмыстарына кірісіп кетті

ШАРДАРА. ҚазАқпарат – Биыл Шардара ауданында 59 300 гектар жерге егін егіледі. Оның басым бөлігін мақта дақылы құрағалы отыр, деп хабарлайды ҚазАқпарат Түркістан облысының өңірлік коммуникациялар қызметіне сілтеме жасап.

Биыл ауданда 18 мың гектарға ақ алтын дәні себілетін болады. Ал 10 710 гектарына бақша дақылдары отырғызылмақ. Қазірдің өзінде аудан диқандары жер жырту, егістікті егінге дайындау жұмыстарына кірісіп кеткен. Солардың бірі - ақпан айының аяғында 50 гектарға пияз егіп жатқан «Тұрар» ауыл шаруашылығы кооперативі. Аталған ұжымда бүгінде 15 адам тұрақты жұмыспен қамтылған. Тамшылатып суару әдісін 5 жылдан бері тиімді пайдаланып келе жатқан кооператив иелігінде 110 гектар жер бар. Соның бүгінде 3,5 гектарына ерте көктемде пісетін қырыққабат пен 12 гектарына мамыр айында дайын болатын пияз отырғызылыпты.

«Пиязымыз мамыр айының ортасында пісіп қалады. Қырыққабатымыз да осы уақытта жұлына бастайды. Негізгі өнімдерімізді Астана, Алматы секілді ірі қалалармен қатар Ресей, Беларусь елдеріне жөнелтеміз»,- дейді кооператив төрағасы Юрий Ан.


Облыс әкімі Өмірзақ Шөкеевтің бір жерден екі өнім алу тапсырмасына орай, жұмыс атқарып жатқан «Тұран» ауыл шаруашылығы кооперативі мемлекет тарапынан барлық қолдауларды алып отыр. Атап айтқанда, арзандатылған жанар-жағармай, тыңайтқыш, субсидия. Былтырғы жылы аудан әкімдігі шаруаға қолғабыс жасап, егістік басына электр жарығын тартып беріпті. Бұл өз кезегінде ағын су тартуға кеткен шығынды екі есеге азайтты.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT