Шардара су қоймасында мөңке және сазан балықтар қырылып жатыр
2022 жылғы 5 сәуір 22:13

Шардара су қоймасында мөңке және сазан балықтар қырылып жатыр

ШАРДАРА. ҚазАқпарат - Шардара су қоймасында балықтар жаппай қырылып жатыр, деп хабарлайды ҚазАқпарат.

Бұл жайында балық шаруашылығы комитетінің баспасөз хатшысы Аслан Жеңісұлы мәлімдеді.

Оның айтуынша, 5 сәуірдегі рейд барысында Арал-Сырдария облысаралық бассейндік балық шаруашылығы инспекциясы, Түркістан балық инспекциясы бөлімінің балық инспекторлары Шардара су қоймасының №2 учаскесінің жағасында («Vita» ЖШС-не бекітілген) балық шабақтарының жиналып қалғанын көрген.

Олар балықтардың қырылу фактісін тіркеді.

Көзбен шолып қарау кезінде шабақтардың қабыршақты жамылғысында өзгеріс бары белгілі болды.

Оның көбі - мөңке және сазан балықтар. Балық инспекторлары мен қорықшылар салмағы орта есеппен 50-60 грамм болатын 4 кг шабақ жинады.

Және оларды утилизациялау жұмыстарын ұйымдастырды.

Шардара қаласы бойынша ветеринария қызметі зерттеу үшін шабақтардың сынамасын алды.

«Арал-Сырдария облысаралық бассейндік балық шаруашылығы инспекциясы олардың қырылу қаупі және өлімі анықталған кездегі өзара іс-қимыл схемасына сәйкес бүкіл мүдделі органдарға хабар берді. 6 сәуірде Түркістан облысы бойынша экология департаменті мен «Балық шаруашылығы ғылыми-өндірістік орталығы» ЖШС Арал филиалы су мен балықтан сынама алуды жоспарлап отыр», - дейді Аслан Жеңісұлы.

Зертханалық зерттеу нәтижесі бойынша қорытынды әзірленеді.

Айта кетейік, Шардара су қоймасы Түркістан облысы аумағындағы Сырдария өзенінде орналасқан. 1966 жылы салынған.

Су қоймасы 4 учаскеге бөлінген және кәсіпшілік балық аулауды жүргізу үшін төрт пайдаланушыға бекітілген.

Ұқсас жаңалықтар

Jańalyqtar

Үрдіс

MURAǴAT