Шахмат: Чемпиондық тәж сарапқа салынатын турнир Дубайда өтетін болды

НҰР-СҰЛТАН. ҚазАқпарат – 2021 жылғы 24 қараша мен 16 желтоқсан аралығында Дубай қаласында әлемдік шахмат тәжі сарапқа салынатын матч өтеді. Бұл туралы ҚазАқпарат Халықаралық шахмат федерациясының (FIDE) баспасөз қызметіне сілтеме жасап хабарлайды.

Қазіргі әлем чемпионы – Норвегия спортшысы Магнус Карлсен. Шахмат тәжі үшін ойында оның қарсыласы үміткерлер арасындағы турнирдің жеңімпазы болмақ.