Сейсенбіге арналған ауа райы болжамы
Атлантикалық циклонның әсерінен республиканың солтүстік-батысында, солтүстігінде, орталығы мен шығысында қар жауады. Қалған аумағында антициклонның әсерінен жауын-шашынсыз ауа райы сақталады. Республиканың кей жерлерінде тұман, желдің күшеюі және жаяу бұрқасын күтіледі.
Солтүстік Қазақстан облысында кей жерлерде тұман, жаяу бұрқасын, түнде 15-20 м/с жел соғады. Қостанай, Ақмола, күндіз Павлодар облыстарында – кей жерлерде жаяу бұрқасын, 15-20 м/с желдің күшейюі күтіледі.
Алматы облысында кей жерлерде тұман, Жалаңашкөл аймағында 17-22 м/с желдің күшейюі күтіледі. Күндіз Шығыс Қазақстан облысында кей жерлерде жаяу бұрқасын, жел 15-20 м/с,
Жарма аймағында екпіні 23 м/с күтіледі. Жамбыл, Түркістан, Қызылорда, Маңғыстау, Атырау, Батыс Қазақстан, түнде Ақтөбе облыстарында кей жерлерде тұман күтіледі.
Алматы облысында түнде қатты аяз күтіледі.