Сейсенбіде еліміздің 3 қаласында ауа сапасы төмендейді

АСТАНА. ҚазАқпарат - Сейсенбі, 9 қазан күні метеорологиялық жағдайлар еліміздің екі қаласының атмосферасында ластаушы заттардың шоғырлануына ықпал етеді, деп хабарлайды ҚазАқпарат «Қазгидромет» РМК-ға сілтеме жасап.

Атап айтқанда, Атырау мен Талдықорғанда метеожағдайлар ауа сапасының төмендеуіне әсер етеді. Ал Қарағандыда ауаға зиянды заттар шоғырланады. Ал қалған қалаларда метеорологиялық жағдай жағымды болады.

Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.