Сеулде сайлауалды науқан кезінде биліктегі партия басшысын балғамен ұрған
2022 жылғы 8 наурыз 00:13

Сеулде сайлауалды науқан кезінде биліктегі партия басшысын балғамен ұрған

СЕУЛ. YONHAP- ҚазАқпарат - Сеулде сайлауалды науқан кезінде 70 жастағы қарт биліктегі ​​Демократиялық партияның (ДП) төрағасы Сон Ён Гильге балғамен шабуыл жасап, оны жарақаттаған, деп хабарлайды ҚазАқпарат YONHAP агенттігіне сілтеме жасап.

Сонг сәрсенбіде өтетін президенттік сайлау қарсаңында Сеулдің Синчон ауданында үгіт-насихат жұмыстарын жүргізіп жатқан. Сол шақта әлгі қарт адам артынан келіп, қара пластик пакетке оралған балғамен басынан бірнеше рет ұрған.

«Басынан қан аққан Сонг жақын маңдағы ауруханаға жеткізілді», деп хабарлады ДП өкілдері.

Оқиға болған жерде жүрген адамдар шабуыл жасаған қартты ​​бірден ұстап, полицияға жеткізген.

Полиция күдіктінің сайлау бойынша заңнаманы бұзғандығы және дене жарақатын салғандығы үшін жауап беріп жатқандығын мәлімдеді.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT