Серік Жаманқұлов ЕУРО-2016 чемпионатының «Алтын бутсасынан» үмітті

АСТАНА. ҚазАқпарат - Еуропа чемпионатының футзалдан үздік үш мергені жеке жүлделер - түрлі құндылықтағы бутсаларды алады, деп хабарлайды Sports.kz.

«Алтын» бутсаға 6 футзалшы үмітті, олардың арасында есебінде 4 гол бар Қазақстан құрамасының шабуылшысы Серік Жаманқұлов бар.

Жаманқұлов сияқты, қарсыластарының қақпасына төрт рет доп кіргізген испандық Марио Ривиллос пен сербиялық Младен Кочич - үміткерлердің арасында.

Ресейлік төлқұжатқа ие бразилиялықтар Эдер Лима мен Ромуло, сондай-ақ тағы бір испандық спортшы - Мигелинаның есебінде үш доптан бар.