+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Серік Сәпиев мәдениет пен спортты бөлу мәселесіне қатысты пікір білдірді

2021 жылғы 6 тамыз 01:07
Бөлісіңіз:
Серік Сәпиев мәдениет пен спортты бөлу мәселесіне қатысты пікір білдірді

НҰР-СҰЛТАН. ҚазАқпарат – Бүгін Орталық коммуникациялар қызметінде өткен онлайн баспасөз мәслихатында тілшілер еліміздің Мәдениет және спорт министрлігінен спортты бөліп алатын уақыт жеткен жоқ па, деген сауал қойды.

Ұқсас жаңалықтар
Құрлықтық хоккей лигасы: «Барыс» латвиялық «Динамодан» жеңіліп қалды UEFA Конференция лигасы: «Қайрат» «Омониямен» тең түсті Спорттық құзға өрмелеуден ӘЧ: қазақстандық екі спортшы финалға шықты

ҚР Мәдениет және спорт министрлігі Спорт және дене шынықтыру істері комитетінің төрағасы Серік Сәпиевтің сөзінше, бұл өте жан-жақты ойластырылып барып шешім қабылдауды қажет ететін күрделі мәселе.

«Қиын сұрақ. Бұл жерде министрліктің құзыретімен қатар, қаржы мәселесі де реттеуді қажет етеді. Әрине, егер басшылық бөлу керек деп тапса. Қазіргі таңда барлық мемлекеттік органдарда қызметкерлерді қысқарту жүріп жатыр, сондықтан бұл мәселе терең талдауды керек етеді», - деп жауап берді С. Сәпиев тілшінің сұрағына.

Сондай-ақ, комитет басшысы бұрын мәдениет пен спорттың бөлек болғанын да алға тартты.

«Бұрын спорт министрлігі және агенттігі болған. Дегенмен уақыт өте келе басшылық мәдениет пен спортты біріктіру қажет деп шешті. Бізге қазір екі сала бөлек болған кезде жағдай қандай болды, қазір қандай деген мәселені мұқият зерделеп алу керек», - дейді ол.

Бұған дейін С. Сәпиев Олимпиада ойындарында өнер көрсеткен боксшыларды өнеріне бағасын берді.

Одан бөлек, Спорт және дене шынықтыру істері комитетінің төрағасы Токио Олимпиадасы ойындарынан соң спортшылар және оларды жаттықтырушы бапкерлердің қатысуымен кеңейтілген отырыс өтетінін айтты. Онда жіберілген кемшіліктер талқыланбақ.



Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT