Серік Сәпиев: «Канеломен» төртінші жекпе-жек те өтуі мүмкін

НҰР-СҰЛТАН. ҚазАқпарат - ТМД елдері дене шынықтыру және спорт жөніндегі кеңесінің төрағасы Серік Сәпиев «Sports True» берген сұхбатында қазақстандық Геннадий Головкин мен мексикалық Сауль Альварестің үшінші айқасы туралы пікір білдірді, деп хабарлайды Sports.kz.

- Головкинге «Канеломен» қайта кездесу үшін қолайлы сәт қашан туады?

- DAZN «Канело» - Головкин үшінші айқасын ұйымдастыруды бастады. Таяу уақытта бұл айқасты көре аламыз. Мүмкін, биыл шығар. Төртінші жекпе-жек өтуі де мүмкін.

- Оскар Де Ла Хойяның Головкинге Альвареспен кездесу үшін титул керек деген мәлімдемесі ше?

- Головкинге титул керек емес. Ол жоғары санатты боксшы екендігін көрсетті.