USD 436.29 EUR 492.83
RUB 5.92 CNY 68.48
Jańalyqtar

Сергей Лавров: Бастысы - тәліптердің уәделерін орындауы

2021 жылғы 12 қазан 15:56
Бөлісіңіз:
Сергей Лавров: Бастысы - тәліптердің уәделерін орындауы

НҰР-СҰЛТАН. ҚазАқпарат – Ең бастысы тәліптер өз уәдесін орындауы керек. Бұл туралы Ресей Сыртқы істер министрі Сергей Лавров айтты, деп хабарлайды ҚазАқпарат тілшісі.

«НАТО-лықтардың мерзімінен бұрын кетіп қалуы ауған қарама-қайшылығын одан ары ушықтырып жіберді. Елде өте көп қару-жарақ пен әскери техника қалып отыр. Ал олардың деструктивті мақсатта қолданылмауы өте маңызды. Тәліптер есірткі трафигімен және лаңкестікпен күресуге ниетті екенін, көрші мемлекеттерде тұрақсыздықтың орын алуына себепкер болмайтынын, инклюзивті Үкімет құруға тырысатынын мәлімдеді. Ең бастысы осы уәделердің орындалуы», - деді Сергей Лавров АӨІСШК Сыртқы істер министрлерінің 6-кездесуінде.

Бұған дейін АӨІСШК хатшылығының атқарушы директоры Қайрат Сарыбай кездесуге келген делегация басшылары Ауғанстандағы ахуал өздерін қатты алаңдататындығын айтқандығын хабарлаған едік.

«Көшпелі кезең қалай тезірек аяқталса, Ауғанстан соғұрлым жылдам өңіраралық процестерге, өзара байланыс процестеріне қосылады. Сол арқылы елдің өркендеу жолына түскендігін ертерек атап өтуге мүмкіндік туады», - деді Қайрат Сарыбай.


Фото: mid.ru

Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT