13:37, 25 Маусым 2018 | GMT +6
Септикті тазалау кезінде 4 атыраулық уланып, біреуі көз жұмды
АТЫРАУ. ҚазАқпарат - Атырауда септикті тазалау кезінде 4 ер адам уланды. Оның бірі жедел жәрдем қызметінде көз жұмды, деп хабарлайды ҚазАқпарат тілшісі.
Атырау облыстық ТЖД баспасөз қызметінің хабарлауынша, 24 маусым күні, сағат 12.45-те Мыңбаев көшесінде орналасқан Жерұйық ықшамауданында жеке үйдің ауласында 3 метр тереңдікте орналасқан септикті тазалау кезінде 26, 40, 50 және 57 жастағы төрт ер адам уланған.
«26 жастағы ер азамат ауруханаға жетпей, жедел жәрдем қызметінің кереуетінде көз жұмды», - делінген баспасөз қызметінің хабарламасында.
Оқиғаның мән-жайы тексеріліп жатыр.