Сенбіде Қазақстанның көп бөлігінде жел күшейіп, жаңбыр жауады

АСТАНА. ҚазАқпарат - 22 қыркүйекте Қазақстанның басым бөлігінде жаңбыр жауып, найзағай болады, кей жерлерде тұман түседі, жел күшейіп, бұршақ жаууы ықтимал, оңтүстік аймақтардың кей жерлерінде шаңды дауыл соғады, деп хабарлайды Қазгидромет.

Синоптиктердің болжауынша, сенбідегі ауа райына циклон және сонымен ілесе келетін атмосфералық ағындар ықпал етеді.
Ақмола және Қарағанды облыстарының кей жерлерінде тұман күтіледі, бұршақ жаууы мүмкін, кей жерлерде желдің жылдамдығы 15-20, екпіні 25 м/с дейін күшеюі күтіледі.
Қызылорда облысынның кей жерлерінде тұман күтіледі, бұршақ жаууы мүмкін, күндіз кей жерлерде шаңды дауыл соғады, жел 15-20 м/с дейін күшейеді.
Солтүстік Қазақстан облысының кей жерлерінде жел 15-20, күндіз екпіні 25 м/с дейін күшеюі күтіледі, кей жерлерде бұршақ жаууы мүмкін, түнде және таңертең тұман түседі.
Қостанай облысында желдің жылдамдығы 15-20 м/с жетеді, түнде және таңертең кей жерлерде тұман болады.
Атырау, түнде және таңертең Маңғыстау, Батыс Қазақстан облыстарының кей жерлерінде тұман болады.
Павлодар, Шығыс Қазақстан, күндіз Жамбыл, Түркістан облыстарының кей жерлерінде жел 15-20, күндіз екпіні 25-27 м/с дейін күшеюі күтіледі.
Қызылорда, Түркістан, Маңғыстау, Жамбыл облыстарының басым бөлігінде, Атырау, Батыс Қазақстан және Қарағанды облыстарының кей жерлерінде жоғары өрт қаупі сақталады.