Сенбе жұртқа, тұрса да қанша мақтап: Британ жазушысы Абайдың өлеңін жатқа оқыды

None
None
НҰР-СҰЛТАН. ҚазАқпарат - Ұлыбританиялық жазушы, редактор, жоба менеджері, тарих және білім беру ісінің маманы, тренер, Colourblue компаниясының директоры Крис Макнаб Абайдың 175 жылдық мерейтойына орайластырылған челленджге үн қосты, деп хабарлайды ҚазАқпарат.

Жазушының видеосын Қазақстанның Ұлыбританиядағы елшілігі Twitter парақшасында жариялады.

«Біз Абай өлеңдерін оқу эстафетасын қуана қолдап отырмыз. 10 тамыз - ұлы ақынның туған күні қарсаңында күн сайын Абай өлеңдерінен үзінді оқыған британдық және ирландиялық достарымыздың видеосын жариялап отырамыз» деп жазады Қазақстан елшілігі.

Ақын шығармаларын ағылшын тіліне британ ақыны, сыншы, драматург, Томас Элиот сыйлығының лауреаты, профессор Шон О'Брайен аударған. Бұл жыр жолдары жыл соңына дейін тарихта бірінші рет бір томдық кітап болып жарық көреді.

«Мен 2013 жылдан бері Қазақстандағы оқулықтарды жетілдіру ісіне және басқа да қызықты жобаларға белсене атсалысып жүрмін. Қазақстанды және оның халқын ерекше жақсы көремін. Мен қазір Абайдың мақтангершілік туралы өлеңінен үзінді оқып беремін» дейді Крис Макнаб видеоға кіріспесінде.

Ол Абайдың «Сенбе жұртқа, тұрса да қанша мақтап» өлеңінен екі шумақты жатқа айтып берді.






Соңғы жаңалықтар