Сенатта ғылымды дамыту мәселелері жөніндегі жұмыс тобы құрылады
2022 жылғы 2 шілде 19:41

Сенатта ғылымды дамыту мәселелері жөніндегі жұмыс тобы құрылады

НҰР-СҰЛТАН. ҚазАқпарат – Ғылым мен білімді дамыту мақсатында құқықтық базаны жетілдіру үшін Сенатта тиісті жұмыс тобын құруға болады. Бұл туралы Сенат төрағасы Мәулен Әшімбаев «Қазақстандағы ғылым мен білімнің болашағы» оқыту форсайт-сессиясында айтты, деп хабарлайды ҚазАқпарат Палатаның баспасөз қызметіне сілтеме жасап.

«

Біз Қазақстанның ғылымы мен білімін дамыту мәселелері бойынша ғалымдармен, сарапшылармен, мүдделі институттармен белсенді өзара іс-қимыл жасауға мүдделіміз. Осы саладағы құқықтық базаны жетілдіру бойынша да бірлесіп жұмыс істеуге дайынбыз. Бұл бағытта күзде Сенатта тиісті жұмыс тобын құруға болады. Қазақстанда ғылым мен жоғары білімді дамыту үшін бәріміз бірге нәтижелі жұмыс істейміз деп сенемін

«, – деді Мәулен Әшімбаев.

Сенат төрағасы ғылымды, техника мен инновацияны дамыту – Қазақстанның бәсекеге қабілеттілігін арттырудағы негізгі бағыттардың бірі екенін атап өтті. Бұл мәселеге Мемлекет басшысы үнемі баса мән беріп келе жатқаны белгілі. Парламент те осы саладағы реформалар мен бастамаларды заңнамалық тұрғыдан қамтамасыз ету жұмысын белсенді жүргізіп отыр.

Айта кетейік, форсайт-сессия Сенат жанындағы Талдау мектебі аясында ұйымдастырылды.


Ұқсас жаңалықтар
Сенатор Андорраның сыртқы істер министрімен кездесті
2022 жылғы 5 тамыз 16:46

Сенатор Андорраның сыртқы істер министрімен кездесті

НҰР-СҰЛТАН. ҚазАқпарат – ҚР Парламенті Сенаты төрағасының орынбасары Асқар Шәкіров Андорраның сыртқы істер министрі Мария Убахпен кездесті, деп хабарлайды ҚазАқпарат Палатаның баспасөз қызметіне сілтеме жасап.

Тараптар келіссөз барысында екіжақты байланыстардың қарқынды сипатын атап өте келіп, бір-бірінен географиялық тұрғыда алшақтығына қарамастан Қазақстан мен Андорраның өзара тиімді ынтымақтастық бағытын, атап айтқанда туризм саласының келешегі зор екенін атап өтті.

Сондай-ақ, екі ел парламентшілерінің халықаралық парламенттік ұйымдар аясындағы, оның ішінде ЕҚЫҰ парламенттік ассамблеясы мен Еуропа Кеңесіне қатысқан кездегі өзара жемісті іс-қимылы аталып өтті.

Сенат төрағасының орынбасары Президент Қасым-Жомарт Тоқаевтың Парламенттің саяси тетіктердегі рөлін күшейту бағытындағы реформалары туралы хабардар етті.

«Конституциялық реформа еліміздің қазіргі саяси жүйесіне елеулі түрде өзгеріс енгізіп жатыр. Бұл реформалар елді ықпалды Парламенті мен есеп беретін Үкіметі бар президенттік республикаға айналдырады», - деді Асқар Шәкіров.

Кездесуге қатысушылар Қазақстан мен Андорра арасындағы екіжақты қарым-қатынастардың маңызды құрамдас бөлігі ретінде парламентаралық байланыстарды одан әрі дамыту туралы уағдаласты.




Фото:Н.Байбулин


ҚР ОСК үш облыстан Сенат депутаттығына 18 үміткерді тіркеді
2022 жылғы 4 тамыз 12:58

ҚР ОСК үш облыстан Сенат депутаттығына 18 үміткерді тіркеді

НҰР-СҰЛТАН. ҚазАқпарат – ҚР Орталық сайлау комиссиясында Абай, Жетісу және Ұлытау облыстарынан Парламент Сенатына депутаттар сайлауын ұйымдастыру және өткізу мәселелері жөнінде отырыс өтті, деп хабарлайды ҚазАқпарат.

Отырысқа Абай, Жетісу және Ұлытау облыстарының аумақтық сайлау комиссияларының төрағалары қатысты.

Отырыстың күн тәртібінде үш мәселе қаралды:

- Абай, Жетісу және Ұлытау облыстарынан ҚР Парламенті Сенатының депутаттығына кандидаттарды ұсыну және тіркеу қорытындылары;

- Абай, Жетісу және Ұлытау облыстарынан ҚР Парламенті Сенатының депутаттарын сайлау жөніндегі дауыс беруге арналған сайлау бюллетеньдерін дайындау;

- Абай, Жетісу және Ұлытау облыстарынан ҚР Парламенті Сенатының депутаттарын сайлауды өткізу кезінде Қазақстан Республикасы Орталық сайлау комиссиясының интернет-ресурсы функционалын пайдалану регламентін бекіту.

Мәлім етілгендей, барлығы 6 мандатқа үш өңірден 33 кандидат ұсынылды. Барлық кандидат өзін-өзі ұсыну тәртібімен ұсынылған, оның ішінде Жетісу облысында 2 кандидатты осы облыстың Алакөл және Кербұлақ аудандық мәслихаттары ұсынды. Жетісу облысында 1 кандидат және Абай облысында 1 кандидат тіркелгенге дейін өз өтініші бойынша кандидатураларын алып тастады. Қалғаны – 31 үміткер.

Алайда, 2022 жылғы 3 тамыздағы жағдай бойынша тіркеуден 18 кандидат (әр облыстан 6 адамнан) қана өткен. Сенат депутаттығына кандидаттарды тіркеу 3 тамызда сағат 18.00-де аяқталды.

Қызмет салалары бойынша: 11-і әкімдер мен мәслихаттар аппараттарының қызметкерлері; 4-і коммерциялық құрылымдардың қызметкерлері; 3-і мемлекеттік кәсіпорындардың, мекемелердің, ұйымдардың қызметкерлері.

Партияға қатыстылығы бойынша: 14-і «AMANAT» партиясының мүшелері; 4-і партияға қатыстылығын көрсетпеген.

Гендерлік құрамы бойынша: 5 әйел және 13 ер адам.

Сайлау бюллетеніне мемлекеттік тілдің әліпбилік ретімен кандидаттың тегі, аты, әкесінің аты (егер ол жеке басты куәландыратын құжатта көрсетілсе) көрсетіледі. Сондай-ақ «Бәріне қарсымын» жолы енгізіледі.

Сайлау туралы Конституциялық заңның талаптарына сәйкес сайлау бюллетеньдері орналасқан үй-жайға мөр басылады және ішкі істер органдарының күзетіне тапсырылады.

Сайлау туралы Конституциялық Заңның 24, 25, 26-баптарына сәйкес Парламент Сенаты депутаттарын сайлау жөніндегі таңдаушылардың тізімрін облыстық мәслихат хатшысының ұсынуы бойынша облыстың аумақтық сайлау комиссиясы жасайды.

Таңдаушылар тізіміне облыс аумағында орналасқан мәслихаттардың барлық депутаттары енгізіледі.

Сенат депутаттарын сайлау ҚР Президентінің Жарлығымен 24 тамызда өтеді.


Облыс, аудан әкімі: Ұлытау өңірінен Сенат депутаттығына кімдер үміткер
2022 жылғы 2 тамыз 13:46

Облыс, аудан әкімі: Ұлытау өңірінен Сенат депутаттығына кімдер үміткер

ҰЛЫТАУ. ҚазАқпарат - ҚР Парламенті Сенатының депутаттығына Ұлытау облысынан өз кандидатурасын 11 адам ұсынды. Олардың арасында облыс әкімінің орынбасары, аудан әкімі, облыстық мәслихат хатшысы және депутаттары бар, деп хабарлайды ҚазАқпарат тілшісі.

Президент Қасым-Жомарт Тоқаев Абай, Жетісу және Ұлытау облыстарынан Сенат депутаттарын сайлау туралы Жарлыққа қол қойғаны белгілі. Сенатқа сайлау 2022 жылғы 24 тамызға белгіленді.

Дауыс беруді өткізу, сайлау қорытындысын белгілеу және Сенат депутаттарының өкілеттік мерзімін айқындау «Қазақстан Республикасындағы сайлау туралы» ҚР Конституциялық заңының 129-бабына сәйкес жүзеге асырылады.

Бұған дейін Мемлекет басшысы жаңа үш облыстың әкімдеріне және Үкіметке Сенатқа депутаттар сайлауды ұйымдастыру жөнінде бірқатар шара қабылдауды, сондай-ақ материалдық-техникалық және қаржылық қамтамасыз етуді шешуді тапсырған болатын.

Бүгінгі таңда Ұлытау облысынан Сенат депутаттығына 11 адам өз кандидатурасын ұсынды.

Олардың қатарында:

1) Медебаев Советбек Тұрсынұлы, 1965 жылы туған, Ұлытау ауданының әкімі, Ұлытау облысының Ұлытау ауданында тұрады;

2) Жақсыбеков Данияр Даукенұлы, 1988 жылы туған, Ұлытау облысы, Қаражал қаласының Жәйрем кентінде тұратын «Жәйрем КБК» АҚ ғимараттар, қонақүйлер, жатақханалар кешенінің аға әкімшісі;

3) Жанғаскинова Шолпан Серікқызы, 1981 жылы туған, «Даму» студиясының директоры, Ұлытау облысы Сәтбаев қаласында тұрады;

4) Оралбай Насенұлы Молдабаев, 1966 жылы туған, Жаңаарқа ауданының ВП-21 бастығы, Ұлытау облысының Жаңаарқа ауданында тұрады;

5) Мырзабеков Аманжол Батырбекұлы, 1973 жылы туған, Ұлытау ауданы мәслихатының хатшысы, Ұлытау облысының Ұлытау ауданында тұрады;

6) Нұрпейісов Ғалымжан Бодықұлы, 1977 жылы туған, «Ақшам» телеарнасының директоры;

7) Оспанова Замзагүл Қажмұқановна, 1964 жылы туған, Қаражал қалалық мәслихатының хатшысы, Ұлытау облысының Қаражал қаласында тұрады;

8) Халилин Ерден Балтабайұлы,1967 жылы туған, Ә. Молдағұлова атындағы дарынды балаларға арналған Қарағанды облыстық мамандандырылған спорттық мектеп-интернатының басшысы, Ұлытау облысының Қаражал қаласында тұрады;

9) Шайдаров Серік Жаманқұлұлы, 1965 жылы туған, Қарағанды облысы әкімінің орынбасары, Ұлытау облысының Жезқазған қаласында тұрады;

10) Қожахметов Бақтияр Сапарбекұлы, 1962 жылы туған, «Ұлы Тағзым» қоғамдық қорының атқарушы директоры, Ұлытау облысының Жезқазған қаласында тұрады;

11) Қайсаров Уәлихан Әбішұлы, 1965 жылы туған, «Global Services System» ЖШС директоры, Ұлытау облысының Жезқазған қаласында тұрады.


Jańalyqtar

Үрдіс

MURAǴAT