Сенаторлар Жогорку Кенеш депутаттарын сайлауды байқауға қатысады

НҰР-СҰЛТАН. ҚазАқпарат - Қазақстан Парламенті Сенатының бірқатар депутаты Қырғыз Республикасы Жогорку Кенеші депутаттарының 2020 жылдың 4 қазанына белгіленген сайлауын байқауға қатысады, деп хабарлайды ҚазАқпарат.

«Мұрат Бақтиярұлы ТМД-ға қатысушы мемлекеттер Парламентаралық Ассамблеясы миссиясының байқаушыларының құрамына енді. ҰҚШҰ Парламенттік Ассамблеясының атынан сайлауды байқауға сенатор Бақытжан Жұмағұлов қатысады. Динар Нөкетаева сайлау үдерісін байқау үшін ТүркПА миссиясының құрамында жұмыс істейтін болады», - делінген ҚР Парламенті Сенаты баспасөз қызметінің мәліметінде.

Сенаторлар сайлауды байқауға сол сайлау күні қатысады, сондай-ақ Қырғызстанның Сайлау және референдум өткізу жөніндегі орталық комиссияның төрағасымен, партиялардың сайлауалды штабының өкілдерімен кездесуді жоспарлап отыр.