+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Сенаторлар сыбайлас жемқорлыққа қарсы шараларға қатысты құжатпен жұмыс істеуде

2020 жылғы 14 қыркүйек 12:36
Бөлісіңіз:
Сенаторлар сыбайлас жемқорлыққа қарсы шараларға қатысты құжатпен жұмыс істеуде

НҰР-СҰЛТАН. ҚазАқпарат - Алдағы 17 қыркүйекте өтетін жалпы отырыста Сенат депутаттары «Қазақстан Республикасының кейбір заңнамалық актілеріне сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу» туралы заң жобасын екінші оқылымда қарайды. Бұл туралы бүгін Сенат төрағасы Мәулен Әшімбаевтың төрағалығымен өткен Бюро отырысында белгілі болды, деп хабарлайды ҚазАқпарат.

Ұқсас жаңалықтар
Қазақстан мен Украина арасында қылмыстық іс бойынша құқықтық көмек туралы шарт ратификацияланды

Талқылау барысында палатаның кезекті отырысының күн тәртібі бойынша ұсыныстар қаралды. 17 қыркүйекте сенаторлар сыбайлас жемқорлыққа қарсы іс-қимыл саласына қатысты заңнаманы жетілдіру мәселесін талқылайды. Заң жобасының басты міндеті – сыбайлас жемқорлықтың жүйелі түрде алдын алу бойынша қосымша шаралар енгізу. Сондай-ақ, алдағы жалпы отырыста «Қазақстан Республикасының кейбір заңнамалық актілеріне ерекше қорғалатын табиғи аумақтар мәселелері бойынша өзгерістер мен толықтырулар енгізу туралы» заң жобасын қарау жоспарланып отыр.

Сонымен қатар, сенаторлар ҚР Парламенті Сенатының 2020 жылға арналған негізгі іс-шаралар жоспарына өзгерістер мен толықтырулар енгізді. Одан бөлек, Бюро отырысында Мәжілістен түскен заң жобалары комитеттерге бөлініп берілді.

Халықаралық қатынастар, қорғаныс және қауіпсіздік комитеті «2007 жылғы 27 маусымдағы Шанхай ынтымақтастық Ұйымына мүше мемлекеттер арасындағы бірлескен әскери оқу-жаттығулар өткізу туралы келісімге толықтырулар енгізу туралы хаттаманы ратификациялау туралы» заң жобасы бойынша бас комитет болып белгіленді.

Қаржы және бюджет комитетіне «2012 жылғы 3 мамырда Люксембургте қол қойылған Хаттамамен енгізілген өзгерістерді ескере отырып, 2008 жылғы 26 маусымда Астанада қол қойылған Қазақстан Республикасының Үкіметі мен Люксембург Ұлы Герцогтігінің Үкіметі арасындағы Табыс пен капиталға салынатын салықтарға қатысты қосарланған салық салуды болдырмау және салық салудан жалтаруға жол бермеу туралы конвенцияға толықтыру енгізу туралы хаттаманы ратификациялау туралы» заң жобасы тапсырылды.

Бас комитеттерге тұрақты комитеттердің ұсыныстарын жинақтау және қорытындылар дайындау жүктелді.


Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT