+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Сенаторлар мемлекеттік басқару жүйесін жетілдіруге арналған заң жобасын қарайды

2021 жылғы 25 қазан 17:15
Бөлісіңіз:
Сенаторлар мемлекеттік басқару жүйесін жетілдіруге арналған заң жобасын қарайды

НҰР-СҰЛТАН. ҚазАқпарат - Сенат Спикері Мәулен Әшімбаевтің төрағалығымен палата бюросының отырысы өтті. Онда депутаттар 2021 жылғы 28 қазанда өтетін Сенат отырысының күн тәртібін бекітті, деп хабарлайды ҚазАқпарат.

Ұқсас жаңалықтар
Мәулен Әшімбаев Патриарх Кириллмен кездесті Сауда жасайтын шетелдік интернет-компаниялар ҚР бюджетіне салық төлейді Алматыда өрт сөндіру құралымен жұртты шошытқан блогер қамауға алынды

Палатаның алдағы отырысында сенаторлар «Қазақстан Республикасының кейбір заңнамалық актілеріне мемлекеттік басқару деңгейлері арасында өкілеттіктерді қайта бөлу мәселелері бойынша өзгерістер мен толықтырулар енгізу туралы» туралы заң жобасын қарайды.

Аталған құжат мемлекеттік басқару жүйесін одан әрі жетілдіруді және мемлекеттік органдардың дербестігі мен жауапкершілігін арттыруды көздейді. Үкіметтің бірқатар қызметін орталық мемлекеттік органдарға, ал орталық органдардың кейбір қызметтерін жергілікті атқарушы органдарға беру ұсынылып отыр.

Сонымен қатар Бюро отырысында Мәжілістен келіп түскен «2022 – 2024 жылдарға арналған республикалық бюджет туралы» және «Қазақстан Республикасының Ұлттық қорынан 2022 – 2024 жылдарға арналған кепілдендірілген трансферт туралы» заң жобалары жұмыс үшін Қаржы және бюджет комитетіне берілді.

«Өткен аптада бас комитет бұл заң жобаларын таныстырды. Сол кезде бірқатар мәселеге назар аударылды. Сондықтан, депутаттар жұмыс тобының отырыстарына белсенді қатысып, құжатты өз салалары бойынша жан-жақты талқылауы қажет. Бұл Президент Жолдауын және өзекті әлеуметтік-экономикалық мәселелерді шешуге қатысты Мемлекет басшысы берген тапсырмаларды уақтылы орындау үшін маңызды», – деді Мәулен Әшімбаев.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT