+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Сенаторлар «ҚазАгроны» сауықтыру мәселесін көтерді

2019 жылғы 31 мамыр 13:28
Бөлісіңіз:
Сенаторлар «ҚазАгроны» сауықтыру мәселесін көтерді

НҰР-СҰЛТАН. ҚазАқпарат - Парламент Сенаты Қаржы және бюджет комитетінің кеңейтілген отырысында «ҚазАгро» холдингін сауықтыру бойынша қадамдардың іске асырылу мәселесін көтерді, деп хабарлайды ҚазАқпарат тілшісі.

2018 жылғы республикалық бюджеттің атқарылуын талқылау барысында сенаторлар «ҚазАгроны» сауықтыру бойынша Ауыл шаруашылығы министрлігі тарапынан бекітілген тиісті шаралардың жүзеге асырылуы туралы сұрады. Осы орайда екінші деңгейлі банктер ауыл шаруашылығы тауарларын өндірушілерге несие бермейтіндігі, ал «ҚазАгро» екі жыл бойы шығынмен жұмыс істеп жатқандығы айтылды.

Өз кезегінде ҚР Ауыл шаруашылығы вице-министрі Рүстем Құрманов «ҚазАгро» холдингін сауықтыру бойынша тұтас құжаттың жоқ екенін жеткізді.

«Біз мемлекеттік комиссияда бекіткен қаржылық модель бар. Ол қосымша капиталдандыруды және купондық сыйақыны субсидиялауды қарастырады. Осы орайда әр жыл бойынша қандай шаралар атқарылатындығы ескерілген», - деді Р. Құрманов.

Сонымен қатар ҚР Қаржы бірінші вице-министрі Берік Шолпанқұлов аталған холдинг бойынша неліктен осындай қаржылық модель қабылданғанын түсіндірді.

«ҚазАгроның» жаңа басшысы тағайындалды, осы орайда толықтай талдау жүргізіп, портфельге ревизия жасау мақсаты қойылды. Сонымен бірге, Есеп комитеті тексеруінің аяқталуын күтіп тұрмыз, осыдан кейін шілде-тамызда жағдайдың толық сипаты көрінеді. Жыл соңына дейін қажетті шаралар атқарылады, себебі проблеманы міндетті түрде шешуіміз керек. Ең бастысы - проблемаларды анықтау керек. Бұл тұрғыда екі тексеріс ескерілген. Әзірге, талдау және тексеріс шаралары аяқталғанша, біз көмек көрсету шешімдерін қабылдай алмаймыз», - деді Б. Шолпанқұлов.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT