Сенаторлар Астанада ағаш көшеттерін отырғызды

АСТАНА. ҚазАқпарат - Сенат Төрағасы Қасым-Жомарт Тоқаев бастаған Палата депутаттары мен Аппарат қызметкерлері дәстүрлі жалпы қалалық сенбілікке қатысты. Бұл туралы ҚазАқпарат Сенаттың баспасөз қызметіне сілтеме жасап хабарлайды.

Шара барысында Орынбор көшесінің бойында «Жасыл квартал» тұрғын үй кешені аймағына терек, шаған және шырғанақ көшеттері отырғызылды.

Еске сала кетейік, бұған дейін Астанада 100 мың адам жалпықалалық сенбілікке шығатындығы туралы хабарлаған болатынбыз.