USD 434.84 EUR 498.2
RUB 5.72 CNY 68.47
Jańalyqtar

Сенатор: Терроризмге арандатушыларға да өлім жазасын қолдану керек

2016 жылғы 7 қараша 12:25
Бөлісіңіз:
Сенатор: Терроризмге арандатушыларға да өлім жазасын қолдану керек

АСТАНА. ҚазАқпарат - Парламент Сенатының депутаты Серік Ақылбайдың ойынша, лаңкестік әрекетті орындаушыларды ғана емес, оны ұйымдастырып, адамды терроризмге итермелеген арандатушыларды да өлім жазасына кесу керек, деп хабарлайды ҚазАқпарат.

«Ондай адамдарды ату керек. Бүгінгі Қылмыстық кодекске терроризм үшін ғана емес, оны ұйымдастырып, адамды ондай әрекетке итермелегені үшін де өлім жазасын енгізу керек. Неге? Себебі террорлық актіні жасайтындар ол - орындаушылар ғана. Олардың миын айналдырып, терроризмге баруға итермеледі. Ол үшін ұйымдастырушыларды ату керек», - дейді С.Ақылбай.

Сенатордың айтуынша, радикалды идеяларға бой алдырып кететіндер өз балаларын тастап, қылмысқа барып жатады. Ал олардың артында арандатушылар бар. Соларға қатысты жазаны күшейтсе, дінімізге жат ағымдарды насихаттайтындардың санын азайтуға болатын еді.

«Қазіргі кезде Қытайда, Сауд Арабиясында ондай жаза қарастырылған. Америка штаттарының басым бөлігінде терроризмге итермелеп, арандатушылық жасағаны үшін өлім жазасы қолданылады», - деп атап көрсетті сенатор.

Айта кетейік, өткен аптада Алматыдағы атыста 10 адамның өмірін қиған Руслан Күлекбаев өлім жазасына кесілді. Алайда Қазақстанда осы санаттағы жазаға мораторий жарияланған. «Президент жарлығына сәйкес,елімізде өлім жазасына қатысты сот шешімдерін іске асыру тоқтатылды. Алайда заң бойынша судьяларға ондай шешім шығаруға шектеу жоқ. Соңғы рет Қазақстанда адамды өлім жазасына кесу туралы шешім он жыл бұрын, 2006 жылы шығарылған болатын», - делінген Бас прокуратураның ресми хабарламасында.

Қазақстанда өлім жазасына мораторий жариялау туралы жарлық 2003 жылы желтоқсан айында күшіне енген болатын. Мораторийдің мерзімі шексіз. Алайда ол кез келген уақытта алынып тасталуы мүмкін. Осыған байланысты өлім жазасына кесілген азаматтар түрмеде ұсталады.

Біздің каналымызға жазылыңыз:

Бөлісіңіз:

Автор:

Арман Асқаров

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT