+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Сенат төрағасы қуаңшылық мәселесіне алаңдаушылық білдірді

2021 жылғы 8 шілде 18:44
Бөлісіңіз:
Сенат төрағасы қуаңшылық мәселесіне алаңдаушылық білдірді

НҰР-СҰЛТАН. ҚазАқпарат - Сенат төрағасы Мәулен Әшімбаев елді алаңдатып отырған өңірлердегі қуаңшылық мәселесіне назар аударып, Ауыл шаруашылығы министрлігін бұл түйткілді шешу үшін белсенділік танытуға шақырды, деп хабарлайды ҚазАқпарат тілшісі.

Ұқсас жаңалықтар
Қуаңшылықта Маңғыстау мен Қызылорда облыстарына қандай көмек көрсетілді Сенаторлар полицияның сервистік моделін кеңейту мәселелерін талқылады Бүгінгі жетістіктеріміздің бәрі Тәуелсіздіктің жемісі – Мәулен Әшімбаев

Сенат баспасөз қызметінің хабарлауынша, Алматы облысына жұмыс сапары барысында шаруалармен кездескен Сенат спикері қазіргі таңда еліміздің кейбір аймақтарында құрғақшылық белең алғанын, соған байланысты жергілікті шаруашылықтар айтарлықтай зардап шегіп отырғанын айтты.

Ол бұл проблемаға Мемлекет басшысы да назар аударып, оны жедел шешу үшін тиісті органдарға нақты тапсырмалар бергенін тілге тиек етті.

«Мемлекет басшысы Реформалар жөніндегі жоғары кеңестің соңғы отырысында мал шаруашылығына айтарлықтай салдарын тигізіп отырған қуаңшылық мәселесіне назар аударды. Қазіргі таңда бұл – бүкіл елді алаңдатып отырған проблема. Сондықтан тиісті Министрлік осы мәселені шешу үшін бар күш-жігерін жұмсауы керек. Бұл жолда жүйелі қадамдар қажет. Ауыл шаруашылығы министрлігі жедел түрде ахуалдың салдарын талдап, жағдайды жан-жақты сараптап, мәселені шешу жолдарын ұсынуға тиіс», – деді Мәулен Әшімбаев.

Сонымен қатар палата төрағасы сенаторлар ауылдық жерлердің инфрақұрылымын дамыту, ветеринария және азық-түлік қауіпсіздігі мәселелерін де жиі көтеріп келе жатқанын атап өтті.

Ол былтырғы бюджеттің орындалуы туралы Үкіметтің есебін қарау кезінде Сенат депутаттары аграрлық саланы қаржыландырудағы олқылықтарға назар аударғанын айтты.

«Ауыл шаруашылығындағы негізгі мәселелердің бірі саланың толық қаржыландырылмауы болып отыр. Мысалы, 2020 жылы аграрлық секторға жоспарланған қаражаттың жартысынан астамы ғана бөлінген», – деді Сенат Төрағасы.

Сондай-ақ, Алматы облысының шаруаларымен кездесуде қуаңшылық мәселесін шешуде жүйелі жұмыс жүргізу қажеттігі, мұндай төтенше жағдайға дайындық әрдайым басты назарда болу керектігі айтылды.



Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT