12:19, 14 Қаңтар 2023 | GMT +6
Сенат сайлауы: Амангелді Толамисов басым дауыс жинады
ТАЛДЫҚОРҒАН. ҚазАқпарат - Жетісу облысында сенат сайлауында Амангелді Толамисов басым дауыс жинады, - деп хабарлайды ҚазАқпарат тілшісі.
Дәл қазір Талдықорғанда сенат депутатын сайлау өтті. Науқанға түрлі деңгейдегі мәслихат депутаттары қатысып, өз таңдауларын жасады.
«Сенат депутатына дауыс беруге 132 депутат қатысты. Оның 100-і Амангелді Толамисовке дауыс берді. Ал екінші кандидат Ғабит Тұрсынбайды 29 халық қалаулысы таңдады»,- деді Жетісу облыстық сайлау комиссиясының төрағасы Тимур Дауытов.
1 бюллетень жарамсыз деп танылған. Енді бірінде екі кандидатқа да дауыс берілмеген.
Айта кетейік, Жетісу облысынан Сенат депутаттаты болуға екі кандидат түсті.
Фото:site/universitetzgu/