+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Сенат депутаттары ЕҚЫҰ Парламенттік Ассамблеясының күзгі сессиясына қатысты

2019 жылғы 7 қазан 20:37
Бөлісіңіз:
Сенат депутаттары ЕҚЫҰ Парламенттік Ассамблеясының күзгі сессиясына қатысты

МАРРАКЕШ. ҚазАқпарат - Қазақстан Парламенті Сенатының делегациясы ЕҚЫҰ Парламенттік Ассамблеясының күзгі сессиясына қатысты, деп хабарлайды ҚазАқпарат Сенаттың баспасөз қызметіне сілтеме жасап.

Ұқсас жаңалықтар
Білім министрі: 12 жылдық жүйеге көшуде асығыстық болмайды Асхат Аймағамбетов педагог даярлайтын ЖОО-ларда қандай өзгеріс болатынын айтты Сенат: Қазақстан мен Армения арасындағы ынтымақтастықты дамыту мәселесі талқыланды

Сенаттың Халықаралық қатынастар, қорғаныс және қауіпсіздік комитетінің хатшысы Төлеубек Мұқашев бастаған қазақстандық делегация Еуропадағы қауіпсіздік және ынтымақтастық ұйымы Парламенттік Ассамблеясының Марракеште (Марроко) өткен күзгі сессиясына қатысты.

57 елдің парламентшілері қатысқан Ассамблея сессиясының негізгі тақырыбы Жерорта теңізі аймағындағы қауіпсіздікті күшейту жолдарын, сондай-ақ климаттың өзгеруі мен ЕҚЫҰ кеңістігіндегі экологиялық көші-қон мәселелерін талқылауға арналды.

Т.Мұқашев шараға қатысушыларға «Дін немесе сенім негізіндегі төзбеушілікпен және кемсітушілікпен күрес» үшінші сессиясы аясында төзімділік пен жаһандық дінаралық үнқатысуды ілгерілету жөніндегі отандық тәжірибені таныстырды. Қазақстанның Тұңғыш Президенті – Елбасы Н.Ә.Назарбаевтың Әлемдік және дәстүрлі діндер лидерлері съезін шақыру жөніндегі бастамасын және Мемлекет басшысы Қ.К.Тоқаевтың белгілеген бағытын жалғастыратынын атап өтіп, сенатор радикализмге төзбеушілік пен онымен күрестің салдарын болдырмау жөніндегі жүйелі және алдын ала атқарылатын шараларға тоқталды. Т.Мұқашев өз сөзінде терроризмнің ортақ анықтамасын жасау, террористік және экстремистік ұйымдардың, халықаралық қылмыстық топтардың бірыңғай тізімін қалыптастыру туралы Елбасының ұсынысын ерекше атап өтті.


Ассамблея аясында сенаторлар Т.Мұқашев пен Ғ.Дүйсембаев ЕҚЫҰ ПА Төрағасы Георгий Церетелимен, Мароккодағы Көші-қон халықаралық ұйымы бюросы директорының орынбасары Тереза Ботелламен, американдық сенатор Роджер Уикермен және Мысыр, Марокко, Ресей, Тәжікстан мен Түркияның депутаттарымен бірқатар кездесулер өткізді. Кездесу барысында Ассамблеяның күн тәртібі, сондай-ақ био алуантүрлілік пен экология мәселелеріне қатысты пікір алмасу болды.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT