Семейдегі көшелердің бірінде жылу жүйесінен ақау шықты

СЕМЕЙ. ҚазАқпарат – Семей қаласындағы көшелердің бірінде жылу жүйесінен ақау шықты, деп хабарлайды ҚазАқпарат тілшісі.

Қала әкімдігінің мәліметіне сүйенсек, 2 желтоқсан күні сағат 17.25-те Ғаббасов көшесіндегі жылу жүйесінде ақау шыққан. Оқиға орнына бірден тиісті мамандар аттанып, жедел ден қою және қалпына келтіру жұмыстарын жүргізді. Соның нәтижесінде, ақаулар жойылды.

«Сондай- ақ «Теплокоммунэнерго» МКК қызметкерлері шұғыл әрекет жасап, жылу жүйесін ретке келтірді. Бүгін сағат 10:15-те жылу көзінің жұмысы штаттық режимде қайта іске қосылды. Қазір үйлерге жылу тұрақты түрде беріліп жатыр», - делінген ақпаратта.

Еске салсақ, бұған дейін Семейдегі «Қарағайлы» шағын ауданы тұрғындары үйлерінің салқын екенін айтып шағымданған болатын.