Семейдегі көпірден секіріп кеткен ер адамның кім екендігі анықталды
2016 жылғы 20 қыркүйек 10:30

Семейдегі көпірден секіріп кеткен ер адамның кім екендігі анықталды

ӨСКЕМЕН. ҚазАқпарат - Семей қаласының полициясы көпірден секіріп кеткен ер адамның аты-жөні мен жасын анықтады. Ол - 31 жастағы Ерғазы Б.

Оқиға орнына келген дәрігерлер жігіттің өлімін анықтап, мәйітханаға жеткізді. Мәйітханаға жігіттің әке-шешесі келіп, өз ұлдарын таныды, деді қалалық ІІБ баспасөз хатшысы.

Жігіт Шығыс саяжайлық аумағында тұрған. Уақытша жұмыс істемеген. Психилогиялық жағынан сау, еш жерде есепте тұрмаған. Жаңа аспалы көпірден секіріп кету себебін полиция анықтап жатыр.

Еске сала кетсек, таяуда әлеуметтік желіде жас жігіттің қаза тапқаны туралы видео пайда болды. Жедел жәрдем дәрігерлері жаяу жүргіншілер жолында көлік қаққан адам туралы ақпарат келіп түскенін айтты. Оқиға орнына келген олар жас жігіттің бақилық болғанын анықтаған.

Серіктестер жаңалықтары

Jańalyqtar

Үрдіс

MURAǴAT